Still lagging behind....I mean this very blog

我還有很多篇未寫呵.....嚴重脫稿中.....

因為我上個週末在胡混地過吧.....
星期五: 放工後跟糖小姐食晚飯, 再和玉石小姐去LKF飲野....(Lux的Martini真不濟!), 之後再和獅子一起回家
星期六: 跟兩個中學同學去唱lunch-K之後就上Cafe吹水, 晚上和獅子和另一個朋友吃飯, 吃下吃下連獅子的朋友們都來了, 之後再和獅子回家
星期日: 瞓了好一個星期天, 在家裡煮飯仔, 睇動畫, 簡簡單單又過一天.....

其實快樂可以挺簡單, 不用做什麼大事
有什麼比跟最愛的瞓個靚覺, 跟知己談天說地更好?

Topshop.... why dun you come to HK?

英國連鎖服飾店Topshop 5月31日於曼谷開店, 而且原來星加坡早已有成5,6間分店!
點解Topshop唔來香港??? 2年前, H&M賜給我們一個輪米咁輪的買衫經驗後, 其他大家都有D覺得俾人"fake"左. 坦白說我不是H&M我迷, 我認真唔係好明白除左平同好似好好襯 (記住係"好似"), H&M真係唔知好係邊........每一次去的時候都要同人迫餐死, 每一次D衫都唔知俾人"fing"左去邊, 每一次摸上手的手感都係令人幾失望, 結果我除左一d小飾物外, 都冇買過H&M. 不過貴為全世界最繁忙的時裝店 (因為日日都有時裝雜誌去影相), 分店開遍成個歐洲 (好似由哥本哈根到布拉格都有!), 佢總有佢厲害的地方.....不過我未搵到....

反觀我比較喜歡Topshop. 價錢 Topshop始終較H&M貴, 好似一件tee, H&M可能賣8鎊, Topshop賣貴一倍~不過都係High street price range. 同埋, 如果有機會去Topshop, 一定要去London的Oxford Circus店. Topshop普通line的women除左慕名而睇的Kate Moss line之外,不太有特色, 不過men's 就真係好強.....獅子係skinny系, 對於佢來說簡直係天堂....Oxford Circus店仲有好多又英國其他冇咁有名的designers設計的lines....個d lines真係寶, 你會搵到好多好似好日本, 又好似好倫敦感覺的one-piece, coats, skirts 等等...總之包羅萬有, 但係好獨特....價錢為50-100鎊per piece, 不過觸感一定好過好多labels.....

不過都明白, 通常chain stores都好少會export佢地最鎮店的lines....我所講topshop的designers lines都好似係Oxford circus先齊, 假如Topshop來香港 (發夢吧!), 應該都唔會有呢d lines.....同埋如果仲要跟i.t./I.T.扯上關係我話, 加上永遠都咁貴的英鎊, 真係唔洗買....Topshop還是託獅子買好了..