個日同朋友夾定著casual rock look, 都係cami加denim mini-skirts~個日仲有獅子同我2個識左好多年的朋友, 真係好幸福呀! 獅子雖然約我遲到, 不過佢都好醒, airport express到Asia World Expo之後就即刻幫我輪souvenir條隊, 輪左都真係好耐, 過埋原定的開場時間, 幸好條隊都真係好長, 好多人都未入場, 所以遲左開場!好在有睇埋開場ja!!!!!!有High埋開場! 結果我地買左2件rock tee.....多謝獅子[堅定買souvenir]的意志, 同埋佢前後個兩個輪梗的人 (幫佢解悶也!)
開場前d人已經好high, 一有咩風吹草動都立即勁叫.....佢地一出來個下大家簡直High到, 我攬住同我一齊仲意左佢地9年的朋友, 差d喊出來 "我地仲於見到hyde啦!~!!!!!" 一開始係 "get out of the shell", 之後就"driver's high", 仲有 "pretty girl", "SEVENTH HEAVEN", "Caress of venus", "honey", "stay away with punk-en-ciel", "REVELATION", "永遠", "Forbidden lover", "Neo universe"等等.....仲有新歌"Drink it down", 好多都係好high好快的歌, 不過冇我最愛的"Shout at the devil", "虹", "pieces"...
難得的係當晚hyde的表現勁好!冇咩走音/走rhythm等等, 比起1999 Grand Cross Tour, 真係般若兩人(Grand Cross果陣睇DVD真係覺得hyde的Live好有問題~~~不過太愛佢地, 就當听唔到吧~XD) hyde把聲, 真係唔洗講, 勁sexy, 勁powerful!簡直死左! 而tetsu, ken, yukihiro的表現也十分有水準! 不過因為我唔識音樂所以唔多評論, 不過大家都比起Grand Cross tour的年代professional左好多!
氣氛來說, 我想當晚未及幾年前Luna Sea在會展的哪一場好, 可能係坐位而不是企位的原故吧. 也可能是因為觀眾席的設計, 我在580hkd的Block 12上感覺不到地震感. 不過氣氛還是比起任何的香港本地歌手演唱會好 (或者我不應該這樣比較, 人家是演唱會, L'Arc的是Rock Live吧!) 我們跟本不用熱身, 一開始get out of the shell就hyper啦. 之後一直跳呀跳呀, 叫呀叫呀, 就好像哪些日本歌詞是built-in一樣, hyde一唱一句, 我們就接得到! 成首歌就這樣背出來了, 听了哪麼多年, vicarious learning (learning by observation/ listening) 還是有用的!一邊跳一邊叫, 到了中段, 我就失左聲, 不過也堅持要[做口形]支持他們! 失聲冇幾耐, 開始覺得腹痛, 就是人們運動過度, 小腸側痛起來的哪一種, 又口乾又肚痛, 哪種真是要命! 流汗流到成件小背心差點滴出水! 不過為了支持他們, 我痛也有繼續跳!身旁的獅子見到我這樣也叫我 "唔洗咁High wor.."完左之後有看過Luna Sea的朋友跟我說, Luna Sea的live比今次辛苦多好幾倍.....
快歌high到死了之後, 最後的慢歌 - Anata就來了.....hyde更叫全場一起唱! (忽然全場的人都識日文!又成首歌背晒!) Anata真係催淚....朋友們相繼攬住我喊. 可能因為剛才太hyper的關係, 我真係喊唔出, 只係覺得"L'Arc唔好走啦!"咁. 不過連non-fans的獅子也眼濕濕, 可想而知Anata的催淚力有幾強, L'Arc live 的感染力有幾強. 不過真係好High, 睇還有一種"睇完啦?唔想走喎"的感覺 以後看日本band show還是早一個月開始跑步做運動, 養好身子才可!
後記: L'Arc-en-Ciel完左呢個tour之後就會停止活動3年, 去到2011年, 他們20週年時會開多個告別演唱會, 我相信到時我應該死都要買到ticket去睇! 不過睇返hyde在Le Ciel的diary都見到L'Arc-en-Ciel對於團員來說是一個人生的一個段落, 就好似讀書係一個段落, 在社會工作是一個段落, 一個段落完之後也得要為自己找多一點新的嘗試. 當fans的我希望這4個哪麼有才能的音樂人會覺得在L'Arc-en-Ciel的時間是開心的, 而在其他band也可以發揮所長~ 日本的音樂潮流走得很快. L'Arc-en-Ciel哪一種挺pop式的j-rock係好好听, 不過始終還是上一個十年的產物 (我自己說起來也好HURT呵! >_<) 他們不是Southern all stars (SAS) fans base由3歲到80歲都有的哪一種, fans base哪麼廣每一首歌都可以一派台就是熱潮. L'Arc-en-Ciel的歌好難再有這一樣爆炸力, 不過他們的歌很耐听的. 特別是近來的album, 可見他們放多了心思, 歌曲複雜了. 我相信L'Arc-en-Ciel的歌對很多人來說都是百听不厭, 放低了一陣子再听返時又會再會心微笑的哪一種~
應該係開場時影~
No comments:
Post a Comment